Gedragspraktyke t.o.v. die eenheidstruktuur: Skrif-belydenisskrifte-ondertekenings-formuliere/kerk in die nuwe Gereformeerde teologie in Nederland

Gesien die tydsduur wat vir die voordrag bewillig word, spreek dit vanself dat dié tema nie op ’n omvattende en deurtastend-indringende wyse uitgediep kan word nie. Dit kan dus uiteraard slegs op ’n baie beknopte, saaklike en selektief-beperkende manier aan die orde gestel word. Derhalwe buig ons ons soos volg daaroor.