Die huidige stand van die Belydenis in die Gereformeerde Kerken in Nederland

As volledig op alle leerstellige, kerkregtelike en liturgiese besluite, van die Sinodes van Sneek 1969, Dordrecht 1971 en Haarlem 1973, ingegaan moet word sou dit ’n lywige boekdeel kan vul. Derhalwe is gekonsentreer op enkele sake wat die ontwikkelingsgang in die G.K.N. gedurende die laaste jare t.o.v. die belydenis die beste weerspieël.